"n VROU nes ek!!!

Ek het die ontvang op my email, ek deel dit graag met julle. Dit het my in traane gehad....EK IS NIE ALLEEN NIE!!!!! Geniet die dag, wees sterk ons KAN dit doen.

Anoniem:

Ek lees nou net jou blog en het sommer begin lag . . . want dit klink asof dit my eie is!


My troetelnaam van die dag van my geboorte was Spekkies (enough said??) en ek was maar nog altyd die ronde een in die familie. Ek het net voor ek my man ontmoet het mooi gewig verloor tot net onder 90Kg. Maar my hubby geniet dit ook om sy vroutjie te bederf en ek is 8jr terug getroud op 106kg. Ek het 2 jaar later swanger geraak op 108kg en het geëindig op 120+kg. Baie diëte en probeerslae later het ek verlede jaar die skaal nogsteeds op so 119kg getrek. My GP het in Junie maand baie kwaai met my geraas en gesê hy gee my max 5 jaar . . . Dan is ek either dooi aan 'n hartaanval, of ek is vol diabeet. Ek't my pose gehou voor hom, maar buite was ek aan die huil! Gelukkig was hubby saam, en ek dink vir die eerste keer kon hy sien dat my gewig my genioun pla!

Moenie 'n fout maak nie . . . Ek is selfversekerd! Ek het 'n man en 'n kind wat die grond aanbid waarop ek loop. Ek sit saam met groot koppe rondom 'n tafel by "n groot Maatskapy en help met belangrike besluitnemings. Ek is 'n steunpilaar vir baie vriendinne. En ek balei vir dit wat reg is. Tog, iewers diep binne my weet ek dat ek nie happy is met hoe ek lyk nie! Ek het 'n groot beenstruktuur met skouers wat lyk asof ek 'n Springbok swemmer is en is 1,8m lank. My bene kan die wees van 'n model, want al die vetjies sit op die maag en boobies.

Ek was al vroeer ook by 'n dieetkundige toe ek gesukkel het om swanger te raak met my 1ste. Sy het ongelukkig opgehou praktiseer, en ek was weer op my eie. Ek het 'n ander dieetkundige genader en my so vervies vir haar @&#$^%&^%$ houding, ek het nooit weer terug gegaan nie. Toe my GP weer 'n dieetkundige voorstel en ek toe nou maar sommer in gewone Afrikaans vir hom vertel wat ek van dieetkundiges dink! Na 'n lekker lag sessie het hy my verwys na 'n baie jong dame waaroor ek toe nou nogal erg skepties was! Ek het Junie verlede jaar na haar toe gegaan en gou agter gekom sy is nogal 'n kwaai snotkoppie - LOL! Ek het so 2 kg verloor voor ek by haar ingestap het, maar volgens haar skaal was ek toe 119kg. Sy het gewaarsku dat ek asb nie nou moet swanger word nie, maar aangesien ons toe nou al vir 4 jr probeer het ek geweier om weer op voorbehoedmidddels te gaan. Verlede jaar Sept/Okt het ek so 5Kg verloor en toe is ek SWANGER!!!! Ons was in ekstase, maar vir 'n kort rukkie . . .Ek het 'n miskraam gehad op 9 weke. Dit was 'n baie moeilike tyd, maar ek het net geweier om te gaan lê en het geglo dat God vir my sou gee op die regte tyd. In Januarie vanjaar was ek weer swanger en in totaal 6 kg ligter as wat ek in Junie was. Ek het hoë bloeedruk en het geweet hieride swangerskap gaan 'n moeilike enetjie wees en dat ek myself BAIE mooi sal moet oppas.

Ek was verlede Vrydag by die dieetkundige (kwaai snotkop dieetkundige vir wie ek baie lief geword het) en ek het tot op hede net 'n bietjie meer as 5KG opgetel waaroor ek baie trots voel! Ek is nou eers klaar met haar, en sal so 5 weke na die keiser weer terug gaan. Sy kan my niks meer leer van watter kosse hoort by watter kosse nie, maar daai morele ondersteuning is GOUD werd! Ek is nie op 'n dieet nie, ek haat dit as ek sekere goed nie MAG eet nie, maar probeer ook eerder gesonder eet! So ek volg die LOW GI eetplan en maak kos uit die "Eet vir volgehoue energie". En dan natuurlik die belangrikste: OEFENING! Ek haat dit . . . Maar dit is so, so nodig om al daai ektra vetjies te verbrand. Ek het gevind om net eers bietjie te gaan stap help, en dan try ek om saam met my kind te speel (hardloop, balskop, ens). DIt moenie voel soos oefening nie, dit moet voel soos goeie kwaliteit tyd saam met jou geliefdes!

Ek sien baie uit na die volgende paar maande, en ek is wraggies bly daar is nog mense soos ek wat gewig wil verloor vir gesondheidsredes. Baie sterkte vir jou, en laat gerus van jou hoor - ek is ook maar net mens met mood swings en binnekort min slaap, so ek weet waardeur jy gaan!!

NB: Ek staan nou op 117kg, my mikpunt is 90kg - als daarna is 'n bonus!