Dis Heerlike Lente....Alles gaan verby?!?!

Ek wonder of die reuk van iets julle ook jare terug kan neem na 'n tyd of plek waar dinge, of goed, of sleg was. Die lente is hier en in my gejaag om terug te keer na normaliteit, of na die balanseerings toerkie van dit wat ek my lewe noem, het ek klaar weer baie gemis. Ek verstaan nie waar tyd heen gaan en hoekom hy so haastig is nie?? Hier waar ek sit voor my rekenaar hang die reuk van die bloureën so dik in my neusgaate...... en ..........BOOM!!!!.... kry ek die terugflitse.

Die Bloureën in my Tuin

  

Jy sien, ek was op Bloemfontein - Oranje Meisieskool in CM Jooste Koshuis op skool. Elke middag as jy met jou swaer tas wat twee maal so swaar soos jy is, oploop van skool, het die bloureën jou verwelkom by die voordeur. Al wat deur my kop op daai stadium gegaan het was die feit dat dit amper September Vakansie gaan wees, en daarna Kersfees. Ek moes toe al geweet het dat ek my lewe omwens. Ek wonder hoekom doen ons dit? Ek het nou maar vir eens die ding in my om te ver vooruit te dink aan wat gedoen moet word en wat nog moet gebuer, dis kompleet asof iets my jaag. Nou dat ek kinders het en weer terug by die werk moet wees na ses maande van "eie tyd" besef ek wat ek is en waarop ek uitmis.

Verlede week is my babatjie saam met ouboet na sy kleuterskool toe. Jong was ek  nou in 'n algemene toestand van onbeheersbare snik en traanklier disfunksie. Ek kon net nie ophou huil nie. my man dink toe ek is laf want ek was mos nou al deur dit met die eerste seuntjie. (Olie op vuur maar nou ja dit is mos hoe die manlike spesie is. Ek gaan nie vandag daarop in die, vrede is weer by my.) Ek begin toe dink, hoekom is my hart so seer? Dit het kompleet gevoel asof iets weg is uit my?! Al slotsom waarop ek kon kom is dat ek 'n vrees het dat ek BAIE in my kind / ers  se lewe mis. Ek weet die jaag monster lê en wag en my siel skreeu stadig stadig dit is jou laaste baba, nooit weer gaan jy so mooi kosbare geskenk kry.
Om als te kroon, weet ek, Juffrou hoe oulik sy ook mag wees is my aards vyand van dag een af.....dit vat nie lank nie, dan is sy die mooiste die slimste en sy weet alles want: "JUF Sê......."  Jip liewe mense ek is een van daai mammas wat 'n groen monster in my hart dra, my drie jaarige seun is klaar verlief en verloore. Toe ek nou die dag vir hom wil wys hoe om 'n sirkel uit te knip reken hy my...."Mamma moet dit soos juffrou Marie doen!!! NEE NIE SO NIE!!!!"

Miskien het die absoluute klaagliedere van my iets uit te waai met die feit dat ek in die week nog 'n jaar kan bytel by my ouderdom. Ek voel nostalgies, geseën, gelukkig en hartseer op dieselfde tyd!!
Met die dieet en maer word misie gaan dit maar swak, ek is op 'n "rollercoaster" Ek weet ek moet.... maar ek kan nie, ja ek gaan, nee more, ag nee, net een en dan oeps!!!!

Lekker Dag.
VV